Baie deurbrake gemaak

Okey, die besluit is geneem. Ek gaan volgende jaar vir Zane ook by die huis hou en hom self skool gee. Ja dit het so rukkie geneem, maar ek weet dit is wat ek nou moet doen. Ek het begin rondkyk na programme ens, en toe besluit ek gaan op my eie eers voort, met die hulp van ma, praktika en die graad O boek. Dit gaan nogal 'n uitdaging wees. Ek het gedink om 'n proeflopie te doen volgende week, maar ek wil nog bietjie vryheid beleef. Dit is moeilik om te dink ek gaan my vryheid opgee. Nie kom en gaan soos ek wil nie. Met Nêo-Rie is dit nie so moeilik nie, sy kla nie so baie soos Zane as ek te lank in die winkels is nie, want sy word gestoot in die waantjie en Zane moet loop. Dit is nie regtig vryheid wat ek opgee nie, dit is net my eie tyd, die bietjie wat ek het. Ek voel half suinig daarmee, ek wil dit vir my hou, maar nou ja, kom ons kyk hoe werk dit uit.

Nêo-Rie het op die 19de Oktober haar eerste "sign" gemaak, dit is die een vir melk. Sy was besig om te drink, en die melk wil toe nie vinnig genoeg uit nie, toe begin sy sign. Dit is baie oulik. Sy het ook bietjie agteruit geseil om haar maag, haar arms begin nou bietjie sterker word. So die 19de is daar deurbrake gemaak daar, en ek probeer haar nou meer op haar maag ook neersit, maar sodra ek haar neersit dan rol sy om tot op haar rug. Maar aanhouer probeer.

Ek is ook nou baie besig dit is al weer amper die einde van die jaar, en die Spinnathon en die Kersfees programme by MES is nie ver nie. Ek het darem nou al die meeste goed klaar gedesign, die web hou my nog so bietjie besig. Ek gaan maar moet kyk of dit kan volhou volgende jaar as ek voltydse ma en juffrou en dan nog werk ook. Ag wie weet dit is seker beter dat ek nie so baie in die winkels kan kom nie, ek het in elkgeval nie die geld om te spandeer nie. Zane was nou so paar keer vir spelterapie, waar ek het hy saam by "Tannie Marna" gaan kuier het, en saam gespeel het. Net ek en sy tydjie. Ek weet nou ook bietjie meer hoe om uitbarstings van woede te hanteer en gaan dit probeer vir die volgende paar maande, dan sal ons Januarie kyk hoe dit gaan en sien of ons vir nog 'n paar sessie moet gaan. Danie se werk ding, wel ja, ons sal seker net moet wag. Ek weet eending, en dit is dat ons sal ons geld moet beter bestuur, voordat ons nie dit wat ons het kan bestuur nie, kan ons nie nog bykry nie. Peru is die ander ding, ek weet ons sal gaan, ek weet nog net nie wanneer nie, ek het 'n idee waarheen, maar dit hou ek nog vir myself. Ons sal volgende jaar moet kyk wat ons moet doen ter voorbereiding. Wie weet dalk doen ons net voorbereiding en gaan nooit nie, maar hoe ek nou voel is dat ons moet begin en planne maak. Gehoorsaam God.

Ek weet daar is 'n paar mense wat nie dieselfde voel oor God se opdrag as ons nie, en dit maak dit nogal moeilik as jy voel jy moet jouself verdedig en dit wat God vir jou as opdrag gegee het, en nou weet ek hoe moes Abraham seker gevoel het. Hel hy het niks geweet wat voorle vir hom nie, maar hy het gegaan en kyk waar sit ons nou. (met dieselfde opdrag)

Ek is nou ook by Weight watchers, en die eerste 2 weke het goed gegaan, maar nou die laaste paar dae is dit bietjie moeiliker vir my, maar ek gaan vasbyt. Ek moet nou iets doen, as ek kan ophou rook, dan kan ek seker reg eet ook. Ek wil volgende week begin Gym. Dit is nou al more ja, ek moet net deurdruk met my planne, want raak vinnig lui. Ek wil baie graag vir Zane laat dans, Afrika danse, ek kry net nerens 'n plek in Pta of Centurion nie, kan jy dit glo, ek het gedink ek dans dan sommer saam met hom, leer dit ook, maar dit lyk my ek sal Johannesburg toe moet ry vir dit. Yeoville van alle plekke, maar ek soek nog.